मोदीविरुद्ध अविश्वास प्रस्ताव अस्वीकृत

 

कलम नेपाल

एजेन्सी ५ साउन । भारतीय प्रधानमन्त्री नरेन्द्र मोदीविरुद्ध विपक्षीले ल्याएको अविश्वास प्रस्ताव अस्वीकृत भएको छ ।

भारतीय संसदको तल्लो सदन लोकसभामा अविश्वास प्रस्ताव निर्णयार्थ पेश हुँदा पक्षमा १२६ सांसद तथा विपक्षमा ३२५ सांसदको समर्थन रह्यो ।

सन् २०१४ मा सत्ता सम्हालेयता मोदीविरुद्ध पहिलो पटक संसदमा अविश्वास प्रस्ताव दर्ता गरिएको हो । ध्वनी मतले फैसला नभएपछि संसदमा मतदान नै गरिएको थियो ।

मतदान पूर्व प्रधानमन्त्री मोदीले सदनमा प्रस्तावमाथि चर्चा गर्दै विपक्षीको कडा आलोचना गरेका थिए ।

 

विपक्षीसँग कुनै मुद्दा नभएपछि मोदी हटाउ मुद्दामा ओर्लेको भन्दै उनको टिप्पणी थियो । उनले बोलिरहँदा तेलूगु देशम पार्टी र अरु विपक्षी दलका सांसदले नाराबाजी गरेका थिए ।

विपक्षी सांसदहरुले भने मोदीको आलोचना गर्दै उनी विश्वकै उत्कृष्ट अभिनेता रहेको बताएका थिए । ५४३ सिट रहेको लोकसभामा भाजपा एक्लैको बहुमत रहेको छ । जसको २७२ सांसद छन् ।

Comments

comments

LEAVE A REPLY